Carles, Iloilo–Nakit-an na ang bangkay sang lalaki nga apat ka adlaw na-missing sa kadagatan sang Carles.

Alas-6 kaina sang aga sang nakit-an ang bangkay ni Belson Hontiveros, 28-anyos sang Barangay Asluman Higantes Norte, Carles. Katapusan ini nga nakita apat ka adlaw ang nakaligad sang nagsaka sa barko malapit sa Isla Higantes kag nagpabaylo sang dala niya nga ilimnon sa krudo.

Wala pa mahibaluan kun aksidente ini nga nalumos ukon hungod nga ginpatay kag gindagdag lang sa dagat ang iya bangkay. Natalana nga ipa-autopsy ang bangkay ni Hontiveros. (Aine Grace Bravo)

Leave a Reply