Bangkay sang seaman nga si Cloyd Philip Matta-Gealon nga napatay sa raid sang RSOG sa Estancia, na-autopsy na; Gealon, may isa lang ka igo sa pigtot nga naglusot sa tiyan!

Estancia, Iloilo–Naigo sang bala ang internal organs sang seaman nga si Cloyd Philip Gealon sang Barangay Bayuyan, Estancia sang natiruhan sa raid sang regional special operations group (RSOG) sang nagligad nga semana.

Ini ang rason suno kay Police Regional Office 6 Medico Legal Officer Dr. Owen Lebaquin sang pagkapatay ni Gealon. Base sa pag-autopsy ni Lebaquin sa bangkay ni Gealon, may isa lang ini ka igo sang bala sa pigtot kag naglusot sa tiyan. Kon basehan ang autopsy, nagaduko suno kay Dr. Lebaquin si Gealon sang gintiro. Indi lang sini mahambal kon ano ang ginahimo sang biktima sang gintiro apang maathag suno sa iya nga yara sa likod sini ang nagtiro.

Samtang negatibo ang resulta sang drug test sa bangkay Gealon.      Pa-athag ni Lebaquin, gilayon niya nga ginpa-idalum sa drug test ang ihi sa barukan ni Gealon pag-abot niya halin sa Estancia kagab-i kag negatibo ang resulta.

Antes sini, gin-alegar sang tiyo ni Gealon nga si Lyndon Matta, ang subject sa search warrant sang RSOG bangud sa gin-alegar ilegal nga paghupot sang mga pusil, nga nagagamit sang illegal drugs ang iya hinablos. Apang ginapanindugan naman sang iloy ni Gealon nga si SB Member Jackielyn Matta-Gealon nga mabuot ang iya bata. Ginpabutyag ni SB Member Gealon nga sigurado siya nga inosente ang iya bata sa pagamit sang illegal drugs bangud nagapa-medical exam ini nga kabahin sang iya trabaho bilang seaman.

Nagapanawagan sang hustisya ang konsehala para sa iya bata nga suno sa iya, nadalahig lang sa pagserbe sang search warrant sang RSOG sa iya utod. (Aine Grace Bravo)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %