Haze halin sa Indonesia, wala pa nakalab-ut sa Iloilo suno sa EMB 6

Iloilo City–Normal pa ang particulate matter sa hangin sa Panay kag Negros kag indi pa apektado sang haze halin sa forest fires sa Indonesia.

Ginpasiguro ini ni Environmental Management Bureau (EMB) 6 Director Atty. Jonathan Bulos base sa ila latest monitoring sa apat ka monitoring stations sa rehiyon. Sa pag-monitor sang EMB 6 sa iban nila nga mga opisina, nakalab-ut pa lang ang haze sa Mindanao, Cebu kag parte sang Bohol.

Nagpanugyan na ang Malacañang sa publiko sa mga lugar nga apektado sang haze nga magsuksok sang masks agud makalikaw sa posible epekto sini sa ikaayong lawas. Ang haze nakalab-ut na sa Pilipinas matapos ang duha ka bulan nga sunog sa masobra isa ka milyon ka ektarya sang kakayuhan sa Indonesia. (Aine Grace Bravo)