Menor de edad, patay matapos nalumos sang nagpaligo sa Flood Control Project sa Jaro!

Jaro, Iloilo — Patay ang menor de edad kag kritikal ang kaupod sini matapos nalumos sang nagpaligo sa flood control project nga sakop sang Brangay Buhang, Jaro kaina sang hapon.

Ginhingagaw dala sa West Visayas State University Medical Center sanday alyas Jonathan, 14-anyos kag alyas Lloyd 10-ka tuig sang Sitio Ilaya, Tabuc Suba, Jaro.

Apang dead-on-arrival sa ospital si Jonathan samtang padayon nga gina-revive si Lloyd.

Ginpahayag nga naghagaray nga mag-basketball sa Barangay Tacas, Jaro ang anum ka menor de edad nga ginalakipan nanday alas Mike Caloy, John Paul, Manuel kag duha ka mga biktima.

Apang nakasugtan sa ulihi nga magpaligo sa flood control project.

Una nga nakit-an si Lloyd nga nagsarurot sa tubig kag ginbuligan ni jonathan apang pati ini ang nalunod man. (JoMaque)