Numero sang registered voters sa Iloilo City, ginapanan-aw sang City Comelec nga maglapaw sa 250 mil

Iloilo City–Posible nga maglapaw sa 250 mil ang registered voters sa syudad suno kay Mr. Jonathan Sayno, Election Assistant II sang City Comelec.

Base sa record, ginabanta sa 250 mil ang sigurado na nga makaboto sa 2016 elections. Apang madugangan pa ini sang mga nagpa-rehistro kag nagpa-capture sang biometrics data tubtob sa deadline sang Oktubre 31 sang gab-i. Makakas naman sa listahan ang mga registered voters nga wala nakapa-capture sang biometrics data.

Ginkonfirmar ni Sayno nga pila naman ka nagpadulong sa City Comelec ang wala nakahingagaw nga magpa-rehistro bangud wala naka-abot sa cut-off time sang Sabado sang gab-i. (Aine Grace Bravo)