3 ka gin-alegar drug pusher, nadakpan sang mga pulis!

Dumangas, Iloilo–Nadakpan sa buybust operation sang Dumangas police ang tatlo ka gin-alegar drug pusher sa Barangay Talusan sang amo nga banwa.

Suno kay Inspector Albert Fortunado, hepe sang Dumangas PNP, nag-level-up sa pagduso sang illegal nga druga halin sa paggamit sang illegal drugs ang mga nadakpan nga sanday Elzar kag Cezar Docdocil kag Raymart Delarmente. Nakuhaan ang mga ini sang apat ka sachets sang suspected shabu kag mga drug paraphernalia.

Isa ka bulan nga gin-monitor sang Dumangas police ang mag-utod nga Docdocil kag si Delarmente antes gin-operate. Ginsugid sang tatlo nga sa Pototan sila nagakuha sang supply sang illegal drugs. (Aine Grace Bravo)