Lalaki sa City Proper, gintiro sang naka-bonnet nga suspek!

Iloilo City–Gintiro samtang nagalakat si Rey-an Fernandez, 24-anyos sang Zamora, City Proper kaina sang kaagahon.

Suno kay Sr/Insp. Mark Cordero, naigo sa likod, kamot kag dulunggan si Fernandez nga padayon nga ginabulong sa St. Paul’s Hospital. Gina-imbestigaran na suno kay Cordero kon may kahilabtanan ang insidente sa reklamo batuk sa biktima nga nagpangtaya sang pusil sang Oktubre 31 sa ila barangay.

Wala pa nakilala ang suspek suno sa pulis bangud nga nakasuksok sang bonnet. (Aine Grace Bravo)