Iloilo City — Kumpiyansa si Mr. Toto Baculado, presidente sang North-South Baluarte Taxi Drivers Association (NOSOBATADA), nga halos 100 por siento nga masolbar ang mga insidente sang pagpanghold-up sa mga taxi drivers nga magdul-ong sang pasahero sa guwa sang syudad.

Ini sa tiun nga mapasar suno sa iya ang ginaproponer nga ordinansa nga maga-obligar sa mga taxi drivers nga maglog-out sa police station ukon sa ipahamtang nga police sub-station kon may idul-on nga pasahero sa guwa sang syudad kag paglog-in sa iya pagbalik. Ginpa-athag ni Baculado nga ipatuman ang proposed ordinance kon gab-i kag applicable sa mga taxi drivers nga maguwa sa syudad.

Kahapon, ginpangunahan ni ex-officio Councilor Reyland Hervias, chairman sang Committee on Police Matter sa konseho, ang una nga hugnat sang hearing sa proposed ordinance. (JoMaque)

Leave a Reply