Estudyante nga Magasaylo sa Pribado nga Eskwelahan halin sa Public School, May Subsidy halin sa Gobyerno

Iloilo City — May subsidy halin sa gobyerno ang estudyante nga magasaylo sa pribado nga eskwelahan halin sa public school agud mag-enroll sa Grade 11 ukon Senior High School.

Kon sa syudad sang Iloilo suno kay Department of Education ukon DEPED-6 Information Officer Lea Belleza, may P20,000 nga subsidy nga ginapaagi sa voucher kag indi magkadto sa estudyante ukon ginikanan kondi direkta nga magakadto bsa eskwelahan.

Samtang P17,500 naman ang subsidy sang estudyante sa banwa nga luyag mag-enroll sa pribado nga eskwelahan.

Mataas ang subsidy suno kay Belleza sa syudad sang Iloilo kag syudad sang Bacolod bangud na-identify ini nga highly urbanized cities.

Apang magastu sa gihapon  ang ginikanan bangud kulang ang subsidy nga ginahatag sang gobyerno para sa Senior High School. (Nemesio Martirez)