Iloilo — Gin-alegar nga ginhimuslan ang 15 anyos nga dalagita sang iya 22 anyos nga textmate nga taga-syudad.

Suno kay alyas Nonong nga amay ni Neneng, biernes sang hapon sang naglakat ang iya bata sa syudad nga wala naglisensya sa iya.

Nagapati si Nonong nga ginkulbaan si Neneng bangud nga natukiban sini nga wala sang grades ang iya card gani naglakat.

Ginkadtuan sang amay ang mga classmates ni Neneng tubtob nabal-an sa barkada sang dalagita nga nagpakigkita ini sa iya textmate.

Nagpasugot si Neneng nga magpakita sa iya barkada sa Leganes apang lipod sa ihibalo sini, kaupod na ang iya amay.

Naayawan pa pasikto ang amay tubtob nga gin-ako sang dalagita nga may natabu sa ila ni alyas Mokong sang Camalig, Jaro.

Nagapati ang amay nga ginpanginpuslan ni Mokong ang ka-inosente sang iya bata gani nga ipadakup niya ini kag pasakaan sang kaso nga rape. (JoMaque)

Leave a Reply