Election officer sang Dumangas nga si Raymund Valera, imposible na nga mabuhi bisan pa madasig nga gindala sa ospital suno sa autopsy result ni Medico Legal Officer Dr. Owen Lebaquin

Iloilo City — (UPDATE)  Indi na mabuhi si Election Officer Raymund Valera bisan pa madasig gindala sa ospital matapos gintiro sa Avanceña, Molo sang Domingo.

Sa  pag-autopsy ni PRO-6 Medico Legal Officer Dr. Owen Lebaquin, nag-igo ang bala sa tuo nga braso ni Valera kag naglusot sa ilok.

Paidalum ang trajectory sang bala nga nag-igo sa baga kag spinal column sang biktima.

Narecover naman ni Lebaquin ang slug nga compatible sa .45 caliber nga pusil.

Ginpaathag ni Lebaquin nga kon basehan ang pilas ni Valera, yara sa tuo sini ang suspek.

Posible man nga mas nauna ang salakyan ni Valera kag mas mataas ang salakyan sang suspek.

Gintudlo nga nagtiro kay Valera si Radnie Delos Reyes nga driver sang Melvin taxi kag nag-surrender sa mga pulis kagab-i. (JoMaque)