motorcycle accidentPototan, Iloilo–Duha ang patay kag isa ang pilason sa pagbunggu-anay sang tatlo ka mga motorsiklo sa Brgy. Amamaros kagab-i.

Suno kay Sr/Insp. Ariel Corsino, hepe sang Pototan PNP, nagbunggu-anay gid ang duha ka mga motorsiklo nga nagresulta sa kamatayon sang duha ka drivers nga sanday Rexan Lagania sang Licuan, Dingle kag Wilfredo Baron sang Tuburan, Pototan. Ginpahayag nga nagtuyo nga mag-overtake sa ginasundan nga Everest si Baron samtang nag-overtake naman si Lagania sa ginasundan nga isa pa ka motorsiklo nga ginamaneho ni Alexis Gumban sang Dingle.

Wala gilayon natalupangdan ni Lagania nga sugata ang motorsiklo ni Baron bangud wala ini sang headlight. Nagtabog ang mga drivers sa ila motorsiklo bangud sang mabaskog nga impact sang pagbunggu-anay.

Menor naman nga kapilasan ang naangkon ni Gumban matapos natumba ang gina-maneho nga motorsiklo. (Aine Grace Bravo)

Leave a Reply