Isabela, Negros Occidental–Nag-surrender na ang suspetsado sa pag-masaker sa tatlo ka miembro sang pamilya sa banwa sang Isabela, Negros Occidental bangud lang sang hampang nga DOTA.

Suno kay Sr/Insp. Anthony Grande sang isabela pnp, nmassacrerecordsbbagsurrender si Jemar Carpio, 20-anyos sang Brgy. Cansalongon matapos ang anum ka adlaw nga pagpanago. Si Carpio ang nag-ako nga adik sa hampang nga DOTA kag sa pagkamatuod, wala na nagakaun kundi naga-atubang na lang sa computer.

Gin-ako man sini nga gina-utang lang niya ang iya balayran sa computeran nga ginapanag-iyahan sang mga biktima. Naakig ini sang ginhambalan siya nga ihatag ang iya bangko sa kustomer sa computer café nga nagabayad rason nga nagpauli kag sang nagbalik pinangbuno na ang mag-asawa nga Ricardo kag Consuelo Carpentero lakip na ang ila anak nga si carlo.

Nabuhi naman ang babaye nga anak sang mag-asawa nga si Shiela. Sang ginpamangkot kun nga-a pinamatay niya ang mga biktima, ginpahayag ni Carpio nga nadulman lang siya kag wala siya nakahibalo kun ngaa nahimo niya ang krimen. (Aine Grace Bravo)

Leave a Reply