police-reportSibunag, Guimaras–Ginbuno patay sang magulang ang iya man lang manghod sa Barangay Maabay sang Sabado sang gab-i.

Suno kay Inspector Edwin Belarmino sang Sibunag PNP, nag-ugat ang insidente sang gintabog ni Victor Tacuyan, 42-anyos, ang karabaw sang magulang nga si Rey Tacuyan, 45-anyos. Ginpahayag nga nagluntad ang pagbaisay sa tunga sang mag-utod tubtub nga ginsulong sang magulang ang balay sang manghod kag ginbuno ini sang makapila ka beses sa atubang mismo sang iya bayaw.

Napilasan sa dughan, guya, likod kag abaga ang biktima nga gindala pa sa ospital apang napatay. Nadakpan naman ang magulang kag preso na sa karsel sang Sibunag Police Station. (Aine Grace Bravo)

 

 

 

Leave a Reply