HIVPototan, Iloilo–Ginkonfirmar ni Provincial Administrator Raul Banias nga may 12 ka kaso sang human immunodeficiency virus (HIV) nga na-record sa banwa.

Suno kay Banias, wala nila nahibaluan kon bag-o ukon daan ang mga kaso. Ginpakama-ayo ni Banias nga indi na pag-ibuyagyag ang identity sang mga pasyente bangud sa “strict confidentiality clause” kag stigma nga na-angut sa mga HIV positive.

Ginahingyo naman ni Banias sa mga pasyente nga i-avail ang libre nga anti-retroviral medicine nga yara sa treatment hub sang Western Visayas Medical Center. Gin-athag dugang sang opisyal nga lain ang HIV sa acquired immuno-deficiency syndrome (AIDS). Wala nagakahulugan suno kay Banias nga may AIDS na ang pasyente nga positibo sa HIV. (Aine Grace Bravo)

Leave a Reply