PAUL LEDESMA
PDEA 6 Director Paul Ledesma (Photo (c) Facebook)

Iloilo City–Ginkilala ni Philippine Drug Enforcement Agency (PDEA) 6 Director Paul Ledesma ang duha ka mga dalagku nga illegal drug groups nga gin-alegar naga-operate sa syudad sang Iloilo.

Ginatumod ni Ledesma ang grupo sang negosyante nga si Melvin Odicta Sr nga na-base sa Tanza Esperanza kag Malipayon, City Proper kag grupo ni Richard Prevendido nga nakabase naman sa Bakhaw, Mandurriao.

Bag-o nga modus sang grupo ang indi pagamit sang mga tawo nga yara na sa drug list kag naga-distribute sang ila drug supplies sa probinsya sang Iloilo kag Negros Occidental. Ginpahayag ni Ledesma nga may mga sub-groups ang Odicta group kag Prevendido group nga naga-operate.

Wala naman ini sang ihibalo kon san-o nagsugod ang duha ka grupo bangud sa iya paghibalo, naga-egsister na ini antes pa siya nagsulod sa PDEA. Ginbuyagyag ni Ledesma nga kalabanan sa mga impormasyon nga iya nabaton angut sa duha ka grupo ang naghalin sa National Bilibid Prison sa diin napreso ang mga bigtime druglords. (Aine Grace Bravo)

Leave a Reply