BJMP-Pototan, ginsulong sang PDEA 6

Pototan, Iloilo–Nag-conduct sang greyhound operation ang gintingub nga puwersa sang Philippine Drug Enforcement Agency (PDEA) 6 kag Bureau of Jail Management and Penology (BJMP) 6 sa BJMP-Pototan kahapon.

Katuyuan sini suno kay Jail Inspector Elvin Tagaytayan, jail warden sang BJMP-Pototan nga matinluan ang presuhan sang mga gina-alegar kontrabando. Nakarecover ang mga otoridad sang isa ka improvised tooter kag mga plastic sachets nga ginpahayag ginasudlan sang kalamay. Apang iga-subject sa laboratory test ang plastic sachet agud mahibaluan kon kalamay ang nakita nga residue.

Ginpaidalum man sa on-the-spot drug test ang 12 ka personnel sang BJMP-Pototan kag ang jail warden apang negatibo ang resulta.       Ginpahayag ni Ttagaytayan nga 70% sang mga preso nila ang nagapangatubang sang kaso may kaangtanan sa illegal drugs. (Aine Grace Bravo)