Iloilo City — Gin-suspender sang Department of Transportation and Communication ang NBI clearance requirement sa paggawad ukon pagkuha sang professional driver’s license.

Ginkonfirmar ini ni Land Transportation Office (LTO 6) Assistant Regional Director Neneth Ocampo.

Ginahulat na lang sang opisina ang mandu halin sa central office agud mag-epekto ang suspension.

Gin-athag ni Ocampo nga ang NBI clearance lang ang ginsuspender nga requirement.

Madamo nga professional drivers ang nag-angal sang gin-implementar ang Administrative Order nga naga-require sa ila sa pagpasa sang police kag NBI clearance kon magpa-renew sang lisensya.

Kahapon, nag-rally man ang mga transport groups sa atubang sang LTO 6 agud ipanawagan ang pagpamatuk sa order nga suno sa ila, wala gid nakonsulta ang mga stakeholders. (JoMaque)

Leave a Reply