Kaso batuk sa grupo Melvin Odicta, Sr nga nagtuyo magsaka sa estasyunan sang Aksyon Radyo Iloilo, ginpasaka na sang ICPO

Iloilo City — Ginpasaka na kaina sang aga sang Iloilo City Police Office (ICPO) ang mga kaso batuk sa grupo sang top drug personality nga si Melvin Odicta, Sr. may kaangtanan sa tuyo nga pagsaka sa estasyunan sang Aksyon Radyo Iloilo sang nagligad nga semana.

Tatlo ka mga kaso nga ginlakipan sang Grave Threats, Robbery with the Use of Force upon Things kag Qualified Trespass to Dwelling ang gin-file sang ICPO kay Odicta, bata sini nga si Melvin Odicta Jr, Barangay Kagawad Jesus “Jingjing” Espinosa sang Monica-Blumentritt, City Proper kag iban pa nga John Does.

Una na nga nag-execute sang affidavit si Councilor Plaridel Nava matapos sini gin-identify ang isa sa mga nagtuyo magsaka sa estasyunan nga amo si Brgy Kagawad Espinosa. (JoMaque)