Iloilo City–Iduso ni Bayan Muna Partylist Representative Neri Colmenares nga ibutang sa Iloilo ang hearing kun ma-aprubahan na ang i-file niya nga resolution sa kamara nga magaduso nga imbestigaran ang pagtuyo sang grupo sang top drug personality nga si Melvin Odicta Sr nga magsaka sa Aksyon Radyo Iloilo.

Nagalaum si Colmenares nga ugyunan sang mga kasubong niya nga kongresista ilabe na ang mga Ilonggo congressmen nga yara sa mayoriya ang iya resolution. Posible suno sa iya nga magtupa ini sa Peace and Order, Drugs, Public Information Committee ukon posible man nga imbestigaran sang joint committees sa Kamara.

Suno kay Colmenares, indi lang ini isyu sa Aksyon Radyo kundi isyu ini sa pag-atake sa press freedom. Sigurado si Neri nga kun natabu sa iban nga estasyonan ang insidente sa Aksyon Radyo, magabulig man ang station sa pagduso nga imbestigaran ang isyu. Dapat suno sa iya nga ipakita sa mga nagapamahog sa media nga wala nagapabaya ang industriya. (Aine Grace Bravo)

Leave a Reply