Guimbal, Iloilo–Nadula ang mga ebidensya sa tatlo ka mga kaso nga gin-file sang Guimbal police batuk sa mga suspek nga nadakpan nagahupot sang illegal nga druga matapos gin-ransack ang investigation room sang police station.

Suno kay Inspector Norlan Perante, hepe sang Guimbal PNP, natukiban ang natabu sang Nobyembre 23 apang sang Nobyembre 29 lang gin-report sa Iloilo Police Provincial Office (IPPO). Una nga nadiskubrehan ni PO1 Melchor Salcedo nga nadula sa sulod sang steel cabinet ang 200 pesos nga buybust money sang Nobyembre 23 sang aga sang i-presentar niya ini bilang ebidensya sa korte batuk sa suspek nga si Nelson Gicana.

Nadula man ang mga ebidensya nga buybust money kag drug paraphernalia batuk sa mga nadakpan nga gin-alegar drug pushers nga sanday Joseph Karim Abellar kag Lester Tamano. Ginpahayag ni Perante nga ginguba sang suspetsado ang kandado sa investigation room antes ginkawat ang mga items.

Natumod ni Perante ang suspek nga si Juanito Magallanes sang Poblacion, Guimbal kag utility worker sang police station. (Aine Grace Bravo)

Leave a Reply