Iloilo Provincial Board, nagpasar sang resolution bilang suporta sa Aksyon Radyo Iloilo
Read Time:48 Second
Iloilo–Nagsuporta ang Sangguniang Panlalawigan sa Aksyon Radyo Iloilo matapos gintuyo nga sakaon sang armado nga grupo ang estasyunan sang Nobyembre 19 sang kaagahon.
Ginpasar sang Provincial Board ang ginduso nga resolution ni Board Member Manny Gallar, chairman sang Committee on Police Matters, nga nagapanawagan nga suportaran kag respetuhon ang press freedom. Kinahangman man suno kay Gallar ang seryoso kag ma-id-id nga imbestigasyon sang mga pulis agud mahibaluan ang matuod-tuod nga rason sang tuyo nga pagsaka sang grupo sang negosyante nga si Melvin Odicta Sr, ang gintudlo ni PDEA 6 Director Paul Ledesma nga top drug personality sa syudad.
Dugang ni Gallar, naga-upod ang Sangguniang Panlalawigan sa singgitan sang mga Ilonggo nga nagapamatuk sa tikang sang mga poderoso agud punggan nga makahambal ang mga katapo sang media. Hatagan sang kopya sang resolution si PRO-6 Director C/Supt. Bernardo Diaz.
Nagco-sponsor naman sa resolution sanday 2nd District Board Members Demy Sonza kag June Mondejar. (Aine Grace Bravo)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Iloilo Gov. Arthur Defensor, Jr. top performing governor sa Western Visayas
Nagpanguna si Iloilo Governor Arthur Defensor, Jr. bilang “Top performing” Governor sa Western Visayas. Ini base sa “Boses ng Bayan”...
IPPO wala sang na-monitor nga hot spot areas sa Iloilo province para sa Barangay kag SK elections
Wala pa sang matumod nga lugar sa probinsiya sang Iloilo nga balantayan gid para sa Barangay kag SK Elections ang...
Mga barangay nga masami ginabaha sa Iloilo City ginapa-alerto na
ILOILO CITY – Ginapa-alerto sang Iloilo City Government ang mga barangay nga masami ginabaha kag mga yara sa coastal area...
1 patay, 4 na-ospital sang naigo sang kilat sa Anilao, Iloilo
ILOILO – Isa patay kag apat ang pilason sang naigo sang kilat sa Sitio Lau-uwan, Barangay San Carlos, Anilao las-4...
Petition, open letter nga nagahingyo nga imbestigaran ang Ungka flyover ipadala sang grupo nga I-ACT sa Kongreso
ILOILO – Mapadala sang open letter ang Ilonggos for Accountability and Transparency (I-ACT) sa House of Representatives kag Senado nga...
“Guimaras” sign sa Jordan agaw-atensyon sa mga nagatabok sa probinsya
Panibag-o nga “instagrammable spot” ang makita sa isla tungod sang ginpahamtang nga “Guimaras” sign sa bukid sang Brgy. Rizal, Jordan....
Average Rating