Kabulig, ginlampusan kag gingapos sang duha ka mga kawatan nga naabtan sini sa balay sang iya amo sa Mandurriao!

Iloilo City — Ginlampusan kag gingapos ang kabulig sang ginsulod ang balay sang iya amo sa Ana Ros Village sa Calajunan Mandurriao kagab-i.

Gindala sa Western Visayas Medical Center si Richelle Fernandez matapos nga ginlampusan sa ulo kag gingapos sang duha ka suspek antes nagpalagyo.

Suno sa Mandurriao police, nagbalik lang si Fernandez sa balay agud magdul-ong sang ice cream.

Naabtan sang iya amo si Fernandez nga nagabarikutot kag nagapos ang duha ka kamot kag tiil.

Nadula ang laptop nga nagabalor sang P7,000. (JoMaque)