12334156_141356546227839_1948345222_oIloilo City–Gin-athag ni Joseph Uyco, administrative manager sang Vallacar Transit nga puwede makasulod sa ila bag-o nga terminal sa Buhang, Jaro ang mga depasahero nga jeep bisan wala pa sang memorandum of agreement sa tunga nila sang mga transport groups.

Kahapon, nagsapol ang mga transport groups, ang taga-Vallacar Transit kag si Committee on Transportation Chairman R. Leone Gerochi agud maistoryahan kun paano ma-cater ang mga pasahero nga nagapanaug sa ila terminal. Gin-athag naman ni Uyco nga indi puwede kabutang sang dispatcher ang transport groups sa terminal kag wala man sang fees nga balayran ang mga driver lakip na sa paggamit sang mga facilidad. May area suno sa iya para sa mga de pasahero nga jeep, taxi kag bisan sa mga pribado nga salakyan nga nagahulat sang ila sulugaton nga pasahero./ Ginadumilian lang ang pagtenir sang mga PUJs sa loading bay sang mga bus agud indi makaperwisyo sa pagsaka sang pasahero.

State-of-the-art facilities

Ginpabugal man ni Uyco ang moderno nila nga terminal. Suno sa iya, ang terminal nalibutan sang CCTV cameras, may aircon ang CR kag wala sang bayaran ang mga nagagamit kag mas masangkad ang ila nga passenger lounge kag indi mayab-uk.

Mabutang man sang wifi zone area sa terminal kag may ipaobra man nga lactating area para sa mga iloy nga gusto magpasuso sang ila anak. Dugang ni Uyco, operational naman ang klinika sa terminal kag may naka-standby nga nurse. (Aine Grace Bravo)

Leave a Reply