Angelia OngIloilo City–Bugal sang mga Ilonggo ang ginkoronahan nga Miss Earth 2015 sa Vienna, Austria.

Tumandok sang Lapuz Norte, Lapuz si Ms. Earth 2015 Angelia Ong. Ang kadalag-an ni Ong ang nangin makasaysayan nga back-to-back win para sa Pilipinas matapos ginkoronahan ini ni Ms. Jamie Herrel, tumandok sang Cebu, nga Miss Earth 2014.

Si Ong, 24-anyos, ang alumna sang Hua Siong sa Iloilo City. Nag-eskwela man ini sang marketing management sa De la Salle-College of St. Benilde.

“We will, because we can”

Ginpalakpakan ang sabat ni Ong sa Q&A portion sang pageant night sang ginpamangkot kon ano ang slogan sini nga masuhestyun para sa Miss Earth sa masunod nga 15 ka tuig. “We will, because we can. I want to let everybody know that all things are possible and all things are feasible if we work together. We will, because we can,” ang sabat ni Ong nga nagpangibabaw sang iya kaalam kag katahum sa 85 ka iban pa nga kandidata halin sa nagkalain-lain nga pungsod.

Ginkoronahan naman si Dayana Grageda sang Australia nga Miss Earth Air,  Britanny Ann Payne sang USA nga Miss Earth Water, kag Thiessa Sickert sang Brazil bilang Miss Earth Fire. (Aine Grace Bravo)

Leave a Reply