SulatIloilo City — Inisyatibo ni Mrs. Monica Galarpe ang pagpapirma sa pareho niya nga mga benepisaryo sang 4P’s ukon Pantawid Pamilyang Pilipino Program sa Buntatala Jaro sang manifesto nga nagasuporta sa kawsa sang Aksyon Radyo Iloilo batuk sa illegal nga druga.

Suno kay Galarpe, madugay na sini ginaplano ang inisyatibo apang kahapon lang nakatiempo sang nagsapol ang 4P’s beneficiaries sa ila barangay.

Ginpahayag ni Galarpe nga wala sang nagsugo ukon nag-impluwensya sa iya magluwas lang sa pag-ulikid sa buwasdamlag sang iya kabataan.
Ginpa-athag man sini suno sa iya ang kawsa sang manifesto kag ginbuylugan man sang iya mga napa-athagan.

Mismo si Galarpe ang nagdul-ong sang manifesto of support kag listahan sang pangalan sang mga benepisaryo nga nagpirma.

96 tanan ka 4P’s beneficiaries ang nagpirma sang pagsuporta sa kawsa sang Aksyon Radyo Iloilo.

Hatagan sang Aksyon Radyo sang kopya sang manifesto si Senator Grace Poe, chairman sang Senate Committee on Public Order and Dangerous Drugs nga magapanguna sa imbestigasyon sa session hall sang provincial capitol buwas may kaangtanan sa tuyo nga pagsaka sang grupo ni PDEA identified top drug personality Melvin Odicta sa estasyunan. (JoMaque)

Leave a Reply