Melvin Odicta Sr, nagpasaka sang kaso nga libel batuk sa pila ka anchormen sang Aksyon Radyo Iloilo

Iloilo City–Ginpasakaan sang kaso nga libel ni PDEA-identified drug personality Melvin Odicta Sr ang mga komentarista sang Aksyon Radyo Iloilo kahapon.

Gin-file ni Odicta ang kaso paagi sa iya legal counsel nga si Atty. Raymond Fortun sa City Prosecutors Office sa Iloilo Hall of Justice batuk kanday Aksyon Salvador “Jun” Capulot, Aksyon Radyo Station Manager John Paul Tia kag Mr. Ruperto Nicdao Jr, presidente sang Manila Brodcasting Company. Gin-alegar ni Odicta sa iya reklamo nga makapila ka beses siya nga gintawag nga druglord sa mga komentaryo ilabe na sa programa ni Aksyon Jun Capulot.

Ginpahayag ni Odicta nga apektado ang iya negosyo bangud sa mga komentaryo. Nagahingyo si Odicta sa mga respondents sang 10 ka milyon ka pesos nga danyos, 5 ka milyon ka pesos nga exemplary damages kag 300 mil pesos para sa attorney’s fees.

Naglupok ang pangalan  ni Odicta matapos ini una nga gin-identify ni Sr/Insp. Donel Rejis, hepe sang intelligence section sang Iloilo City Police Office, nga isa sa mga nagtuyo sa pagsaka sa Aksyon Radyo Iloilo sang Nobyembre 19 sang kaagahon base sa CCTV footage sang estasyunan. Pagkatapos sini, mismo si PDEA 6 Director Paul Ledesma ang naghingalan kay Odicta nga amo ang lider sang Odicta Drug Group sa syudad. Ginpabutyag man ni Ledesna nga naga-engage man sa illegal gambling ang grupo ni Odicta. (Aine Grace Bravo)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %