ANGUEGinkanselar sang Coast Guard ang biyahe sang fast craft kag RORO vessels halin Iloilo pa-Bacolod City kag vice versa bangud sang Bagyo Nona.

Ginkumpirmar ni Coast Guard Iloilo Station Commander Lieutenant Jomark Angue nga ginsuspender ang biyahe padulong sa Bacolod City bangud napa-idalum ang Northern Negros Occidental sa public storm signal number 1. Magluwas sa biyahe pa-Negros, kanselado man ang biyahe sang mga barko padulong sa Cebu kag vice versa.

Gin-ako ni Angue nga pila ka mga pasahero ang na-stranded bangud sa kanselasyon sang biyahe apang ginpahanumdom ang pagsulundan sang coast guard nga gina-untat ang biyahe kon napa-idalum sa storm signal ang isa ka lugar agud makalikaw sa disgrasya.

Normal naman ang biyahe sang mga pumpboats halin Iloilo City pa-Guimaras kag vice versa. (Aine Grace Bravo)

Leave a Reply