Number 1 Drug Personality sa Pototan, nadakpan sa drugbust operation; mga mataas nga kalibre sang pusil, na-recover !

Pototan, Iloilo — Dakop ang Number 1 drug personality sa Pototan sa drug bust operation sa Barangay Catoogan sang gintingub nga pwersa sang Provincial Anti-Illegal Drug Special Operations Task Group (PAIDSOTG) kag Pototan PNP.

Nadakpan si Ray Jara alias CABO, 50-anyos kag pumuloyo sa nasambit nga barangay.

Arestado man ang iya utod nga si Ruvilito Jara, 40-anyos sang Barangay Alimono, Passi City; Rodney Dumdumaya, 21-anyos sang Catoogan Pototan;  Jessie Beroga, 46-anyos sang Barangay 9 Sto. Niño, Cotabato kag isa ka menor de edad.

Nakapalagyo sa drug bust operation ang Number 7 drug personality nga si Rolly Trabado nga subject sang operation.

Na-recover sang mga otoridad ang 9 ka sachet sang suspected shabu, isa ka KG submachine gun, isa ka Smith and Eeeson .357 revolver, 9mm caliber pistol kag mga bala, cash nga masobra P3,000 kag mga drug paraphernalia.

Ginpahayag ni Iloilo Police Provincial Office (IPPO) OIC SSUPT Roderick Augustus Alba nga ang drug bust operation sa mga top drug personality kabahin sang Anti-criminality campaign sang administrasyon ni Governor Arthur Defensor.

Preso na ang mga arestado sa karsel sang Pototan Police Station kag natalana kasuhan. (JoMaque)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %