Iloilo City — Gin-file na ni Councilor Plaridel Nava ang kaso nga libel sa City Prosecutor’s Office batuk kay Mayor Jed Patrick Mabilog.

May kaangtanan ini suno kay Nava sa pagsumiter ni Mabilog sang ‘white paper’ sa Iloilo City Police Office (ICPO).

Wala sang basehan suno sa konsehal ang naglapta nga ‘white paper’ bangud wala sang pirma kag indi man mabal-an kon sin-o ang source samtang yara sa position sang alkalde.

Magluwas nga ginturn over ang ‘white paper’ sa ICPO, gin-publish pa ini sang alkalde sa mga pahayagan.

Nalakip sa ‘white paper’ ang pagdalahig sa pangalan nanday Nava kag businessman Nelson Golez sa mga unsolved crime incidents sa syudad kalakip na ang pagpatay kay PDEA agent PO2 Frederick Capasao.  (JoMaque)

Leave a Reply