Iloilo City — (UPDATE)  Nagbalibad ang pamilya nga ipa-drug test kag paraffin test si PO2 Gary Catedral.

Ikonsulta ni Iloilo City Police Office (ICPO) spokesperson Inspector Shlela Mae Sangrines sa legal counsel sang Police Regional Office (PRO) 6 ang natabo bangud indi siya makasiguro kon may administrative liability si Catedral sa pagpamalibad nga magpa-  drug test kag paraffin test.

Una na gin-request ni Chief Inspector Herbert Ballego, ang hepe sang Jaro PNP nga ipa-drug test kag paraffin test si Catedral.

Ang mapasiguro lang ni Sangrines nga napasakaan na sang kaso criminal si Catdral sa City Prosecutor’s Office.

Ginpahayag nga si Catedral ang nagpinalopok sang pusil kag nagpangguba sang pagkabutang sa El Haciendero Private Hotel sa M. Jaime Street, Jaro sang damlag lang.

Napilitan nga tiruhon sang SWAT sang ICPO kag IPPO si Catedral sa tu-o nga abaga sang napaslawan ang negosasyon sang masobra 23 ka oras. (JoMaque)

Leave a Reply