Iloilo City(UPDATE) Nanginwala si Rey Luna sang San Jose, Arevalo nga tinawo siya sang drug personality nga si alyas Apa sa South San Jose, Molo gani gintiro ang soldado nga iya gindudahan nga naga-surveillance sa ila mga aktibidad sang Biernes sang gab-i.

Suno kay Luna, indi sini kilala si alyas Apa. Pa-athag sini, nagkadto siya sa South San Jose bangud nahagaran nga maghampang sang tong-its sa namatyan.

Natabuan suno sa iya nga nasugata niya si Private First Class Mark Hevero, assign sa Calinog, nga iya ginpamangkot kon taga-South San Jose ini.

Ginpahayag ni Luna nga indi maayo ang sabat sa iya ni Hevero nga iya gin-alegar amo ang nagabot sang pusil.

Gin-alegar sang suspek nga aksidente nga naglupok ang pusil ni Hevero sang iya ginpunggan apang wala siya nakahibalo nga naigo ini sa tiyan.

Nadakpan si Luna malapit sa iya balay pasado alas-9 sang gab-i sang Sabado.

Positibo ini nga ginkilala ni PFC Hevero nga amo ang nagtiro sa iya. (JoMaque)

Leave a Reply