11-anyos nga bata nga lalaki sa Pototan, pilason matapos ginhandus sang kutsilyo sang iya amay!

Pototan, Iloilo–Napilasan sa wala nga braso ang 11-anyos nga bata nga lalaki sang ginbuno sang kutsilyo sang iya hubog nga amay sa Barangay Dongsol.

Suno kay alyas Junior, nagapungko siya sa puwertahan sang balay sang ginpalapitan sang iya amay kag ginbuno gamit ang 11 ka pulgada nga double blade nga kutsilyo.
Ginpanghiwala naman ni Junior nga nagpasaway siya rason nga naakig ang iya amay nga si alyas Nonoy, 38-anyos.
Luyag naman sini nga ipapreso ang amay bangud pirme ini nagapauli nga hubog kag ginasakit sila. Nagapati naman ang asawa nga si alyas Neneng nga magluwas sa pagpahubog, nagagamit man sang illegal nga druga ang iya bana.

Nagapangatubang sang kaso nga child abuse ang amay. (Aine Grace Bravo)