Iloilo City — Amat-amat nga nagabakal ang mga ginabaligya nga palupok sa syudad samtang nagahilapit ang pagsug-alaw sa bag-ong tuig.

Ginalauman naman nga magadugok ang mga bumalakal buwas ilabe na nga masarangan pa sa bulsa ang presyo sang mga palupok.

Ang Juda’s belt ang nagabili halin 150 tubtub 240 pesos depende sa kalabaon; tag-P5 ang puwitis; P3.50 ang bilog sang whistle bomb.

Ang palupok naman nga “double turbo” nagabalor sang tag-P350; tag-P300 ang isa ka gatos nga “baby kamara” samtang ang isa ka libo nga puwitis kalakip ang isa ka kamara nagabalor sang P800.

Sa mga fireworks, tag-P100 ang 3 ka fountain kag tag-P12 ang tambalite.

Nagalab-ot naman sa P20 tubtub P75 ang presyo sang torotot depende sa klase.

Ginpasiguro ni ICPO OIC Director Khasmir Disomangcop nga maid-id nga gina-inspection sang kapulisan ang mga baligya nga palupok kag gina-komfiscar ang mga illegal nga firecracker. (JoMaque)

Leave a Reply