By: Nemesio Martirez

Maga-deploy sang uniformed police personnel ang Police Regional Office ukon PRO-6 sa mga lugar sa Western Visayas nga na-identify nga may mga insidente sang illegal discharge of firearms sa tion sang pagsug-alaw sang bag-ong tuig. Suno kay Supt.Gilber Gorero, public information officer sang PRO-6, ginmandu ini ni PRO-6 director Bernardo Diaz sa tanan nga provincial directors kag station commanders bilang kabahin sang security plan sang kapulisan. Gina-engganyo ni Gorero ang publiko nga i-report sa kapulisan ang insidente sang illegal discharge of firearms sa ila lugar. Ginsuhestyon man sini ang pagkuha sang video ukon litrato sang nasambit nga insidente kag i-post sa social media account sang PRO-6 agud nga maimbestigaran. Nagpaandam na suno kay Gorero si PRO-6 director Diaz sa mga kapulisan nga likawan ang magpalupok sang pusil agud  indi magpangatubang sang kaso.

Leave a Reply