Iloilo City–Ginpasakaan na sang kaso sang frustrated murder si Rey Luna, 41-anyos sang San Jose, Arevalo kag gintudlo nagtiro kay Private First Class Mark Hevero sa South San Jose, Molo sang nagligad nga semana.

Ginhingagaw sang molo pnp nga i-file ang kaso sang Lunes antes nag-expire ang reglementary period of detention ni Luna.       Ginbasehan sa pagpasaka sang kaso ang pahayag sang mga testigo nga si Luna ang nagtiro kay PFC Hevero.

Gin-alegar ni Luna nga nangin arogante si Hevero sang ginpamangkot niya kon naga-istar ini sa South San Jose kag nagabot pa sang pusil. Ginpahayag nga ginpunggan ni Luna ang pusil sang naglupok kag ulihi na lang nahibaluan nga napilasan sa tiyan si Hevero.

Apang sa pag-examine ni PRO-6 medico legal officer Dr. Owen Lebaquin, indi magsobra sa tatlo ka tapak ang distansya sang pagtiro kay Hevero. Wala man ini sang may nakita nga gasgas ukon lagob sa lawas kag kamot sang suldado nga nagapatimaan nga nagpukutay sila sang suspetsado. (Aine Grace Bravo)

 

Leave a Reply