Iloilo — Wala gid nakahingabot sang 2016 ang team leader sang 2nd Maneuver Platoon nga naka-base sa Jibolo Janiuay matapos nga gintiro sang iya man lang tinawo sa ila opisina pila ka oras antes ang pag-abot sang bag-ong tuig kagab-i.

Suno kay Iloilo Police Provincial Office OIC Roderick Augustus Alba, base sa nakalab-ut sa iya nga impormasyon, patay na pag-abot sa Janiuay District Hospital si Inspector Christian Lee Nelmida.

May patal ini nga pilas sa tunga-tunga sang dughan kag naglapos sa likod.

Gintudlo nga nagtiro kay Inspector Nelmida si SPO1 Arnold Lizada, tumandok sang Poblacion, Lambunao, nga nagpalagyo pagkatapos sang natabu.

Ginpahayag nga manyapon ang opisyal sang ginpalapitan ni SPO1 Lizada kag gulpi nga gintiro.

Ginapa-imbestigaran na ni Alba ang motibo sa pagtiro ni Lizada sa iya opisyal.

Samtang, ginpahayag ni Supt. Roderick Condag, commander sang Provincial Public Safety Company nga may plano nga magsurrender subong nga aga si Spo1 Lizada.  (JoMaque)

Leave a Reply