Culasi, Antique–Naigo sang nagtalang nga bala ang lalaki sa Culasi, Antique sang Enero 1 sang kaagahon.

Patay na sang nag-abot sa ospital sa syudad sang Iloilo si Santiago Camantugay sang Barangay Osorio bangud sang pilas sini sa wala nga gising-gisingan. Suno kay Ma. Luz Palanog, bata sang biktima, tatlo ka lupok ang ila nabatian antes nasapwan ang ila amay nga natumba malapit sa puwertahan sang balay.

Ginapatihan nga 12-gauge shotgun ang gingamit sa pagpalupok bangud sang nakita nga balines malapit sa bangkay sang biktima. (Aine Grace Bravo)

Leave a Reply