Iloilo City — Nadakpan ang duha ka pugante sang BJMP-Jordan Guimaras makaligad ang masobra sang 3 ka semana.

Ginpahayag ni Chief Inspector Ethan Estaya, Public Information Officer sang Guimaras Police Provincial Office nga nadakpan kaina sang aga sa Fort San Pedro, City Proper sanday Joel Beting, 49-anyus sang East Valenca, Buenavista kag Eric Delos Santos, 40-anyus sang Barangay San Miguel Jordan.

Nadakpan sanday Beting kag Delos Santos matapos nakabatun sang intelliegence report ang GPPO nga magatabok sila halin sa Jordan padulong sa siudad kabangdanan nga ginsundan sang mga police.

Sanday Beting kag Delos Santos ang nakapalagyo sa Jordan BJMP paagi sa paglukso sa pader sang Disyembre 13 sang nagligad nga tuig samtang nagahiwat sang family day ang mga preso.

Gin-preso sanday Beting kag Delos Santos bangud sa pagbaligya kag paghupot sang illegal drugs. (JoMaque)

Leave a Reply