Iloilo–Ginpangunahan ni Police Regional Office 6 Director C/Supt. Bernardo Diaz ang necrological service kay Inspector Christian Lee Nelmida, ang team leader sang 2nd Maneuver Platoon nga gintiro patay sang suspek nga si SPO1 Arnold Lizada.

Gindala sa Iloilo Police Provincial Office ang bangkay ni Nelmida kahapon para sa ulihi nga vigil antes ini gindala sa iya hometown sa Tarlac kaina sang kaagahon. Ginpahayag ni IPPO OIC Sr/Supt. Roderick Alba nga nagtambong sa necrological service ang iloy ni Inspector Nelmida, iya fiance nga si PO1 Menchu Salmorin kag batchmates sa Philippine National Police Academy Class 2013.

Indi gihapon makapati si PO1 Salmorin nga patyon ang opisyal nga mapisan kag dedikado sa trabaho. Wala man nakasugid sa iya ang nobyo nga gintuyo ini nga suhulan agud mag-isol sa pag-file sang kaso batuk sa nadakpan sini nga mga durugista. (Aine Grace Bravo)

Leave a Reply