Iloilo City — (UPDATE) Ginpanginwala sang grupo nga Rebolusyonaryong Partido ng Manggagawa ng Pilipinas-RPA-ABB nga ginatago nila si SPO1 Arnold Lizada, suspek sa pagtiro patay sa iya opisyal nga si Inspector Christian Lee Nelmida nga team leader sang 2nd Maneuver Platoon sa Janiuay.

Ginpahayag ni ka Rolly, nagpakilala nga spokesman sang RPMP-RPA-ABB Dela Cruz Wing, nga indi sini personal nga kilala si Lizada kag wala ini nagapanago sa ila grupo pareho sang mga naguwa nga espekulasyon.

Nagapati si ka Rolly nga internal nga problema ang natabu kag dapat resolbahon sang Philippine National Police.

Gin-ako naman ni ka Rolly nga may contact siya sadto kay Inspector Nelmida.

Sa pagkamatuod, nakakitaay sila ni Nelmida sang una sa diin naistoryahan nila ang mga koordinasyon sang kapulisan kag RPA-ABB agud malikawan ang misencounter. (JoMaque)

Leave a Reply