Iloilo City–Nadismaya si Councilor Plaridel Nava sa pahayag ni C/Insp. Rio Maymay, hepe sang Police Station 1, nga replica lang sang air soft guns ang mga pusil nga naka-post sa social media nga gin-alegar ginapanag-iyahan ni Barangay Kagawad Jesus “Jingjing” Espinosa Jr sang Monica-Blumentritt, City Proper.

Ginapakita lang suno sa iya sang Iloilo City Police Office ilabe na Maymay nga nahadlok ini kay Mayor Jed Patrick Mabilog. Kanugon suno kay Nava sang rangko kag career ni Maymay nga himoon lang nga kaladlawan ang iya kaugalingon.

Nagalaum na lang si Nava nga hatagan ni Maymay sang hustisya ang iya rangko kag pagka-pulis kag indi pagpatalangon ang publiko bangud madamo ang nakahibalo sang kamatuoran. Una na ginbuyagyag ni Nava sa legislative meeting sang senate committee on public order and dangerous drugs sang nagligad nga tuig ang gin-alegar nga pag-egsister sang narco-politics sa syudad. (Aine Grace Bravo)

Leave a Reply