Iloilo City — Gin-dismiss sang korte ang Petition for Writ of Amparo nga gin-file ni Melvin Odicta Sr, ang gintudlo sang PDEA 6 nga lider sang drug group sa Iloilo, batuk sa pila ka mga personalidad lakip sa mga anchormen sang Aksyon Radyo Iloilo.

Sa desisyon ni Judge Juana Judita Panigbatan-Nafarete,  gin-dismisss sini ang Writ of Amparo nga ginapangayo ni Odicta batuk kanday PRO-6 Director Bernardo Diaz, ICPO OIC Kashmir Disomangcop, PDEA 6 Director Paul Ledesma, journalist Danny Fajardo sang Panay News, Aksyon John Paul Tia, Aksyon Jun Capulot, Aksyon Joecel Bañas kag Councilor Plaridel Nava.

Kapareho ang epekto sini sa Temporary Restraining Order (TRO).

Ang Writ of Amparo ginapangayo kon ginapadumdom sang petitioner nga may pamahug sa iya seguridad.

Suno kay Judge Panigbatan-Nafarete, wala sang violation ukon pamahug sa Right to Life ukon seguridad ni Odicta.

Ginpadal-an sang kopya sang desisyon sang korte ang mga abogado ni Odicta nga sanday Atty. Romeo Gerochi kag Atty. Edeljulio Romero. (JoMaque)

Leave a Reply