San Joaquin — Ginkomfirmar ni Mayor Eduardo Servidad sang San Joaquin nga may naga-egsister nga drug haven sa iya banwa.

Partikular nga gintumod sang alkalde ang Barangay Igcadlum nga may naga-egsister nga drug haven kag indi ang Brgy. Tiolas sa diin nadakpan sanday Rasmia Mustapa sang Quezon City kag Jekerie Sepi sang Bakhaw Mandurriao sa drugbust operation sang Provincial Anti-illegal Drug Special Operations Task Group (PAIDSOT) sang damlag lang

Gintudlo ni Servidad ang gina-develop nga resort nga ginapanag-iyahan ni certain Remia Gregory suno sa pahayag sang kapitan sang Barangay Igcadlum.

Sa nabaton nga impormasyon sang alkalde, nagaduda ang mga barangay officials nga may nagakatabu nga illegal activity sa amo nga resort.

Natukiban man ni Servidad nga wala sang business permit ang resort base sa pagpamangkot niya sa Local Busines Permit and Licensing Office.

Ginmandu na sang alkalde sa kapulisan nga i-monitor ang lugar. (JoMaque)

Leave a Reply