Comelec checkpoint may kaangtanan sa election gun ban, limitado lang sa visual search suno kay Comelec 6 Director Dennis Ausan

Limitado lang sa visual search ang mga pulis nga nagabantay sa Comelec checkpoint para sa pag-implementar sang election gun ban.

Gin-athag ni Comelec 6 Director Atty. Dennis Ausan nga indi puwede makasulod kag mang-ukay sa sulod sang salakyan ang pulis. Kon gab-i, mahimo makagamit sang flashlight ang mga pulis agud lantawon ang sulod sang salakyan.

Indi man mapuwersa ang ang driver ukon ang pasahero, pribado man ukon depasahero, nga magpanaug ukon maguwa sa salakyan.   Indi man mapilit sang mga pulis ang driver nga buksan ang baggage compartment , glove compartment ukon bag nga makita sa sulod sang salakyan. (Aine Grace Bravo)