Patay 2
Ang mga biktima

Iloilo City–Mga patal nga pilas sa leog ang gintunaan sang kamatayon sang duha ka manugbaligya sang ice cream nga sanday RJ Alumia kag Andrew Igpaz sang Sitio Balod, Barangay Anilao, Pavia.

Suno kay Dr. Owen Lebaquin, medico legal officer sang Police Regional Office 6, nagatalikod ang mga biktima sang ginpanglabu sa leog sang indi magnubo sa duha ka mga suspetsado. Nagapati si Lebaquin nga lain-lain man nga hacking instruments ang gingamit sa paglabu sa mga biktima.

Posible suno sa iya nga ginpatay sa iban nga lugar sanday Alumia kag Igpaz antes ginsulod sa sako kag ginhal-id sa suba sa Sambag, Jaro sang Domingo sang aga. Wala sang patimaan nga nagbatu ang mga biktima kag wala man sang sinyales ngas ginlampusan sila sa ulo sang matig-a nga bagay.

Ginapatihan sang pamilya sang mga biktima nga ginplanuhan ang pagpatay sa ila. (Aine Grace Bravo)

Leave a Reply