Iloilo City–Wala sang mandu halin kay ICPO OIC Sr/Supt. Kashmir Disomangcop nga i-surveillance sang police si Councilor Plaridel Nava.

Paathag ini ni Disomangcop matapos gin-alegar ni Nava nga ginabantayan sang police ang balay sang iya amay sa Lapuz kag ang iya balay sa Mandurriao. Suno kay Disomangcop, wala man sang mandu halin kay Mayor Jed Patrick Mabilog nga butangan sang police detail malapit sa balay sang mga Nava. Ginatugyan ni Disomangcop sa Lapaz police ang pagpaathag sa alegasyon sang konsehal nga posible kabahin sang integrated patrol deployment plan.

Gindudahan ni Nava nga ginapa-surveillance siya matapos na-obserbahan nga may gin-detail nga duha ka mga pulis sa atubang sang balay sang iya amay sa Lapuz kag may pito man ka pulis nga nag-arkila sa mga boarding houses malapit sa iya balay sa Mandurriao. (Aine Grace Bravo)

Leave a Reply