Iloilo City–Gin-aprubahan sang City Council ang rekomendasyon ni Councilor Jay Treñas, chairman sang Committee on Tourism, nga imbestigaran ang gina-alegar illegal collection sa mga vendors sa guwa sang Jaro Plaza.

Sa regular session sang konseho kahapon, ginpresentar ni Treñas ang resulta sang committee hearing sa diin nagpalab-ot sang reklamo ang vendor nga si Edna Yangyang nga ginsukot siya ni Barangay Kagawad Reynante Guingen sang Benedicto, Jaro sa iya gina-okupar nga stall nga wala gina-isyuhan sang resibo.         Ginapahog man suno sa konsehal ang mga vendors nga indi na makabaligya sa masunod nga tuig kun magpamalibad nga magbayad.

Ginpabutyag ni Treñas nga dapat ma-imbestigaran ang amo nga sahi sang buluhaton kag kasuhan ang may kahimuan. Sang Lunes, nag-conduct sang committee hearing sa ABC hall Jaro ang komitiba ni Treñas sa nakanuhay-tuhay nga stakeholdes kag mga opisyal sang ABC Jaro sa gin-alegar illegal nga suktanay sang fees sa Jaro Plaza. (Aine Grace Bravo)

Leave a Reply