MEMO

Mahimo kasuhan sang administratibo ang mga city kag provincial directors kag mga hepe sang police stations nga magbalibad sa pagpa-interview sa mga katapo sang media.

Pahayag ini ni Police Regional Office 6 Spokesman Supt. Gilbert Gorero. Nakalab-ut suno kay Gorero sa PRO-6 ang impormasyon nga pila ka police officials ang wala naga-entertinar kon kuhaan sang pahayag sa mga isyu. Bangud sini, nagpaguwa si Gorero sang memorandum order nga nagamandu sa mga police officials nga magpa-interview sa media.

Dapat man suno sa iya nga mangin matinahuron ang mga city kag provincial directors kag police station commanders ukon magprangka kon indi makapa-interview. (Aine Grace Bravo)

Leave a Reply