Iloilo City–Wala sang na-capture nga footages ang CCTV sa guwa sang City Hall Building.

Pahayag ini ni retired Colonel Felix Muchada, chief sang Security sang City Hall, matapos nagrequest si Councilor Plaridel Nava nga matan-aw sang footages sang CCTV cameras agud mabal-an kon sin-o ang nagtakud sang tarpaulin nga nagatawag sa konsehal nga adulterer. Ginbutang ang tarpaulin sa Plaza Libertad sa atubang sang City Hall.

Suno kay Muchada, gilayon sini ginpatawag ang staff ni Nava sang nabaton ang sulat sang konsehal agud palantawon sang recordings sang cctv camera. Ginpaathag suno sa iya sang CCTV operator nga wala sang recording ang CCTV camera sa guwa sang City Hall kundi sa sulod lang sang building. Wala naman sang ideya si Muchada kon naga-function ang CCTV camera nga na-install sa guwa sang building partikular ang naga-atubang sa Plaza Libertad.

Una na ginpasalig sang kampo ni Mayor Jed Patrick Mabilog paagi sa iya temporary spokesman nga si Atty. Mark Piad nga imbestigaran kon sin-o ang nagtakod sang tarpaulin batuk kay Nava. (Aine Grace Bravo)

Leave a Reply